बैतडी प्रतिनिधिसभा सदस्यमा एमालेका दामोदर भण्डारी निर्वाचित

बैतडीबाट प्रतिनिधिसभा सदस्यमा नेकपा एमालेका दामोदर भण्डारी निर्वाचित हुनुभएको छ । उहाँले नेकपा माओवादी केन्द्रका नरेन्द्र कुँवर (विजयसुन्दर ) लाई १ हजार ५३१ मतले पछि पार्दै विजयी हुनु भएको हो ।

निर्वाचित भण्डारीले ३३ हजार ६११ मत ल्याउनु भयो भने उहाँका निकटतम् प्रतिस्पर्धि कुँवरले ३२ हजार ८० मत ल्याउनु भयो ।

उहाँको यो लगातार तेश्रो जित हो । दोश्रो संविधानसभा निर्वाचन २०७०, ०७४ मा विजयी भएका भण्डारी २०७९ मा पनि जित हात पार्न सफल भएका हुन् । भण्डारी नेकपा एमालेका सुदूरपश्चिम प्रदेश कमिटीका अध्यक्ष र पूर्व अर्थ राज्यमन्त्री पनि हुन् ।