सुदूरपश्चिम

कर्तव्य ज्यान उद्योग मुद्दामा फरार बझाङका एक व्यक्ति १९ वर्षपछि पक्राउ परे

जयपृथ्वी खबर

बिहीबार, वैशाख ९, २०७८

कर्तव्य ज्यान उद्योग मुद्दामा फरार बझाङका एक व्यक्ति १९ वर्षपछि पक्राउ परे

बझाङ : बझाङमा कर्तव्य ज्यान उद्योग मुद्दामा २० वर्ष कैद सजाय भई फरार रहेका एक जना १९ वर्षपछि पक्राउ परेका छन् ।

२०५८ सालको साउन १० गते मष्टा गाउँपालिका ६ का जय बहादुर रोकायालाई खुकुरीले प्रहार गरी मारेको आरोपमा मष्टा गाउँपालिका ५ का ४७ वर्षीय ज्ञानु बोहरा भनिने ज्ञान बहादुर बोहरा बिहीबार पक्राउ परेका हुन । केही व्यक्तिलाई यसअघि नै पक्राउ गरी ज्यान मार्ने उद्योग मुद्दामा प्रहरीले अनुसन्धान गरेको थियो ।

घटनास्थलबाटै भागी फरार भएका उनलाई बझाङ जिल्ला अदालतको मिति २०६३ माघ १९ गतेको फैसलाले २० वर्ष कैद सजाय सुनाएको थियो । जिल्ला प्रहरी कार्यालय बझाङबाट खटिएको प्रहरी टोलीले बोहरालाई आफ्नै घरमा लुकिछिपी बसेको अवस्थामा पक्राउ गरेको हो ।

उनलाई बिहीबार कैद भुक्तानका लागि जिल्ला अदालत बझाङमा दाखिला गरिएको जिल्ला प्रहरी कार्यालय बझाङका सूचना अधिकारी लोकेन्द्र सिंह कार्कीले बताउनुभयो ।

प्रकाशित मिति: बिहीबार, वैशाख ९, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम