बझाङमा प्रतिनिधिसभा र प्रदेश सभा दुबै क्षेत्रमा गठबन्धनका उम्मेदवार विजयी

बझाङ: बझाङबाट प्रतिनिधिसभा र प्रदेश सभा दुबै क्षेत्रमा गठबन्धनका साझा उम्मेदवार विजयी भएका छन । प्रतिनिधि सभा सदस्यमा गठबन्धनको तर्फबाट उम्मेदवार रहेका नेकपा एकीकृत समाजवादीका भानुभक्त जोशी २८ हजार १४३ मत प्राप्त गरि विजयी भएका छन् । जोशीले २८ हजार १४३ मत प्राप्त गर्दा उनका प्रतिस्पर्धी नेकपा एमालेका ऐन महरले २७ हजार १४५ मत प्राप्त गरेका छन । मंगलबार साँझबाट सुरु भएको मतगणनामा नेकपा एमालेले सुरुवाति अग्रता लिएको थियो । बुधबार साँझबाट अघिपछि हुँदै गर्दा रोचक बनेकोमा अनन्त जोशीले महरलाई ९ सय ९८ मतले पछि पार्दै जित हात पारेका हुन् ।

जोशीले २८ हजार १४३ मत प्राप्त गर्दा उनका प्रतिस्पर्धी महरले २७ हजार १४५ मत प्राप्त गरेको मुख्य निर्वाचन अधिकृतको कार्यालयले जानकारी दिएको छ । गठबन्धनका साझा उम्मेदवार बनेका जोशी यसअघि नेकपा एमालेको तर्फ बाट २०५१ र २०६४ मा उम्मेदवार बनेर २ पटक विजयी भएका थिए । २०६४ सालको संविधान सभा निर्वाचनमा निर्वाचित भई एक पटक वनमन्त्री समेत भइसकेका जोशी नेकपा एमालेबाट गत वर्ष मात्रै पार्टी परिवर्तन गरेर अहिले नेकपा एसका स्थायी समिति सदस्य रहेका छन । 

यस्तै बझाङ प्रदेश सभा (१) मा गठबन्धनको तर्फबाट उम्मेदवार रहेका नेपाली काँग्रेसका पृथ्वी बहादुर सिंह विजयी भएका छन । सिंह नेकपा एमालेका उम्मेदवार अफिलाल ओखेडालाई ३ हजार ३६९ मतले पराजित गर्दै विजयी हुनुभएको हो । मुख्य निर्वाचन अधिकृतको कार्यालयका अनुसार सिंहले १६ हजार ६७७ मत प्राप्त गर्दा एमालेका ओखेडाले १२ हजार ९९८ मत प्राप्त गरेका छन ।  बझाङ प्रदेशसभा  (२) मा गठबन्धनको तर्फबाट साझा उम्मेदवार रहेका नेकपा माओवादी केन्द्रका भीमबहादुर भण्डारी १३ हजार ८७९ मत प्राप्त गरि विजयी भएका छन । भण्डारीले १३ हजार ८७९  मत प्राप्त गर्दा उनका प्रतिस्पर्धि नेकपा (एमाले)का उम्मेदवार लालबहादुर रावलले ११ हजार ३३७ मत प्राप्त गरेका छन् । गठबन्धनका उम्मेदवार भण्डारीले २ हजार ५४२ मतान्तर एमालेका रावललाई पराजित गरेका हुन ।