सुदूरपश्चिम

बझाङका एक बालकको डोटीमा अरिङ्गालको टोकाइबाट मृत्यु

जयपृथ्वी खबर

शुक्रबार, कात्तिक १८, २०७९

314455722_803261757637031_192292970708835723_n.jpg

बझाङ; बझाङका एक बालकको डोटीमा अरिङ्गालको टोकाइबाट मृत्यु भएको छ ।जिल्लाको थलारा गाउँपालिका ८ विस्खेत निवासी नरेन्द्र जोशीका ७ वर्षिय छोरा किवांश जोशीको अरिङ्गालको टोकाइबाट बिहिबार बिहान डोटिको सायल गाउँपालिकामा मृत्यु भएको हो ।

भाइटिका मान्न माइतीघर डोटिको सायल ५ गुरेना गएकि आमा आरती जोशीसँगै मामाघर गएका जोशीलाई गत मंगलबार घर नजिकै अरीङ्गालले टोकेको बताइएको छ । अरीङ्गालको टोकाइबाट घाइते भएका बालकलाई अस्पताल लगिएको तथा सामान्य उपचारपछि घर पुर्‍याएको र बिहीबार बिहान मृत्यु भएको थलारा गाउँपालिका ८ का वडाध्यक्ष टिकाराज जोशीले जानकारी दिनुभयो ।
उहाँका अनुसार अन्जान व्यक्तिले अरिङ्गालको गोलामा ढुङ्गा हानेको हुनसक्ने बताइएको छ । मृतक बालक थलारा गाउँ पालिका स्थित कालिका प्राविमा कक्षा २ मा अध्ययनरत थिए ।

प्रकाशित मिति: शुक्रबार, कात्तिक १८, २०७९

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम