रिड नेपालद्धारा खप्तडछान्नाका १ सय ८९ जना शिक्षकलाई पाठ्यक्रममा आधारित बालमैत्री सिकाई वातावरण निमार्णको तालिम

बझाङ: खप्तडछान्ना गाँउपालिकामा पाठ्यक्रममा आधारित सिकाई वातावरण निमार्ण सम्बन्धि १० दिने तालिम सम्पन्न भएको छ । अस्ट्रेलियन सरकार र हिमालयन फाउण्डेसनको आर्थिक सहयोगमा रिड नेपाल द्धारा सञ्चांलित समृद्ध खप्तडछान्ना परियोजना अन्र्तगत पालीका भित्रका ३८ वटा आधारभुत विद्यालयका शिक्षकहरुलाई तालिम दिईएको छ । असोज २६ गते देखि खप्तछान्नामा आधारभुत विद्यालयका शिक्षकहरुलाई गुणस्तरिय शिक्षामा जोड दिदै गुणस्तरिय शिक्षा तथा प्रभावकारी सिकाइ र बालबालिकाको पठन पाठनमा सहजताका लागी तालिमको आयोजना गरिएको थियो । तालिममा खप्तडछान्ना गाँउपालिकामा रहेका सबै आधारभुत विद्यालयका १८९ जना शिक्षकहरुको सहभागिता रहेको थियो । 

तालिममा पाठ्यक्रममा आधारित शैक्षिक सामाग्री निमार्ण, शैक्षिक सामाग्रीको प्रयोग, कक्षाकोठा व्यवस्थापन, परिवर्तित पाठ्यक्रमको प्रयोग, निरन्तर विध्यार्थी मुल्याङकन र शिक्षण विधि लगायतका विषयमा छलफल गरियको छ । तालिममा सहभागि शिक्षकहरले तालिममा सिकेका विषयवस्तु विद्यालयमा कार्यान्वयन गर्ने प्रतिबद्धता जनाउनु भएको छ । समापन कार्यक्रममा बोल्दै तालिममा सहभागि मष्टा आधारभुत विद्यालयका प्रधानाध्यापक गंगा बोगटीले आफुले धेरै प्रकारका तालिम लिएको भएपनि यो विल्कुलै नयाँ भएको र शिक्षकहरुका लागि शिक्षण सिकाईका क्रममा सहजता ल्याउने बताउनु भयो । पहाडी क्षेत्रमा जहिलेपनि समयमै पाठ्यपुस्तक नपुग्ने समस्या रहेको र यो तालिमले पाठ्यपुस्तक नभए पनि केहि समय सम्म सिकाईलाई प्रभावकारी ढैगले अघि बढाउन सकिने बताउनु भयो । ग्रामिण क्षेत्रका विद्यालयमा अझैपनि धेरै समस्या हुने भएकाले पालिका र शिक्षा शाखाले बेला बेला विद्यालयहरुको अनुगमन गरि सुझाव दिन पनि आग्रह गर्नु भयो । यस्तै बालविकास आधारभुत विद्यालयका शिक्षक धिरेन्द्र सिंहले तालिमले आफुहरुको शिक्षण सिकाई क्रियाकलापमा ठुलो सहयोग पुग्ने बताउनु भयो । आफुहरु पहिले निमार्ण भएका शैक्षिक सामाग्रीमा मात्र भर पर्ने गरेको र यो तालिम पश्चात स्थानिय स्तरमै उपलब्ध सामाग्री निमार्ण गरि प्रयोग गर्न सकिने बताउनु भयो । सबै शिक्षकहरुका लागी तालिमले सहज गरेकाले अब विद्यालयमा प्रयोगमा ल्याउने पनि बताउनु भयो ।

समापन कार्यक्रममा बोल्दै खप्तडछान्ना गाँउपालिकाका अध्यक्ष उत्तम रोकायाले तालिमले यस क्षेत्रको शैक्षिक सुधारमा ठुलो टेवा पु¥याउने विश्वस रहेको बताउनु भयो । शैक्षिक सुधारका लागी रिड नेपाललेगरेको यो प्रयास उपलब्धीमुलक र प्रभावकारी भएकाले आगामि दिनमा पनि शैक्षिक क्षेत्र सुधारका लागी सहकार्य गर्न पालिका तयार रहेको बताउनु भयो । कार्यक्रममा पालिकाका सबै वडाका वडाध्यक्षहरु, शिक्षा शाखा संयोजक लगायतको उपस्थिति रहेको थियो । रिड नेपालले बझाङका विभिन्न पालिकाहरुमा शिक्षामा स्थायित्व अभिवृद्धि परियोजना अन्र्तगत शैक्षिक सुधारका कार्यक्रम संचालित छन । पाठ्यक्रममा आधारित शैक्षिक सामाग्रीको माध्यामबाट सरल र सहज तरिकाले कसरी गुणस्तरीय शिक्षा प्रदान गर्न सकिन्छ भन्ने विषयमा तालिममा सहभागि शिक्षकहरु संग छलफल गरिएको रिड नेपालका शिक्षा विकास संयोजक जनकराज जोशीले जानकारी दिनु भयो ।