बझाङ जिप दुर्घटना : जयपृथ्वी नगरपालिकाले घाइतेको उपचारका लागि ३ लाख रुपैयाँ दिने

बझाङको जयपृथ्वी नगरपालिकाले जिप दुर्घटनामा घाइतेहरुको उपचारका लागि तीन लाख रुपैयाँ उपलब्ध गराउने भएको छ। नगरप्रमुख चेतराज बजालले घाइतेको एक शोक वक्तव्य जारी गर्दै उपचारका लागि  नगरपालिका बाट तीन लाख रुपैयाँ उपलब्ध गराउने बताए। 

बजालले बुधबार मष्टा १ चिउरी तुफानडाँडामा भएको अकल्पनिय दुर्घटनाले जयपृथ्वी नगरपालिका परिवार स्तब्ध बनेको हुँदा मृतकप्रति श्रद्धाञ्जली र उपचाररत घाइतेहरुको शिघ्र स्वास्थ्य लाभको कामना गरेका छन् ।

बुधबार दिउँसो जिल्लाको मष्टा गाउँपालिका–१ स्थित चिउरीमा डुङ्ग्रीबाट मष्टातर्फ गइरहेको सुपप्र ०१–००१ च ११७ नम्बरको जिप दुर्घटना भएको थियो। दुर्घटनामा ८ जनाको मृत्यु भएको छ भने १५ जना घाइते उपचाररत छन्।