अबरुद्ध जयपृथ्वी राजमार्ग खुल्यो, रोकिएका सवारी साधन गन्तव्यतिर लागे

सडकमाथिबाट खसेको सुख्खा पहिरोकारण अवरुद्ध जयपृथ्वी राजमार्ग पुन: सञ्चालनमा आएको छ । जयपृथ्वी राजमार्गअन्तर्गत छबिसपाथिभेरा गाउँपालिका-१ बालुवाटार (सुङ्गाल्ना) नजिकै सुख्खा पहिरो खस्दा यातायात सेवा आज बिहानैदेखि अवरुद्ध बनेको थियो ।

पहिरोका कारण आज बिहान  करिब ५ घण्टा बझाङ सदरमुकाम चैनपुरसँगको सम्पर्क बिच्छेद भएको थियो । बिहानैदेखि रोकिएका सवारी साधनहरु पहिरो पन्छाएपछि गन्तव्यतिर लागको प्रहरीले जनाएको छ। 
सडक खुलाउन सडक डिभिजन कार्यालय बैतडीको डोजर परिचालन गरेको प्रमुख जिल्ला अधिकारी बाबुराम अर्‍यालले बताउनुभयो ।