अहिलेका राजनैतिक दलहरुमा राजनैतिक नैतिकता नभएकाले व्यवस्था परिवर्तन भएपनि अवस्था परिवर्तन भएन: बिरेन्द्र मल्ल

बझाङ : राष्ट्रिय प्रजातन्त्र पार्टी बझाङका जिल्ला अध्यक्ष बिरेन्द्र मल्लले अहिलेका राजनैतिक दलहरुमा राजनैतिक नैतिकता नभएकाले व्यवस्था परिवर्तन भएपनि अवस्था परिवर्तन नभएको बताउनु भयको छ । आगामि मंसिर ४ गते हुने निर्वाचनमा प्रदेश सभा ख का उम्मेदवार समेत रहेका मल्लले अहिलेका दलका नेताहरुमा राजनैतिक संस्कार नहुँदा देशविकास र समाज परिवर्ततनका लागी नभई पद प्राप्ती र पैसा कमाउने उदेश्यका लागी मात्र राजनितिमा आउने गरेको बताउनु भयो ।

मनोनयन दर्ता पछि पार्टीका तर्फ बाट आज जिल्ला  सदरमुकाम चैनपुरमा पत्रकार सम्मेलन गर्दै जिल्ला अध्यक्ष समेत रहेका मल्ले अहिले सम्म जिल्लामा हरेक चुनाव लडेका पार्टी र नेताहरुले जिल्लाको विकास र समृद्धिमा ध्यान नदिई व्यक्तिगत स्वार्थमा लागेका कारण जिल्लाको विकास हुन नसकेको बताउनु भयो । बझाङ धार्मीक तथा पर्यटकिय सम्भावना भएपनि अहिले सम्म यसको विकास हुन नसकेको भन्दै झुलाघाट चमेलिया किनार, बुङगल हुदै साईपाल र ताक्लाकोट सजिलै जोडने सडक निमार्ण गर्न सकिने आफु संग योजना रहेको समेत बताउनु भयो ।

यस्तै देउरा देखि धनगडी सम्म सुरुङ र बाह्य मार्ग मार्फत एक सय किलोमिटरमै धनगडी पुगिने र सबै पालिकामा उच्च प्रविधिको अस्पताल निमार्ण गर्ने, शैक्षिक संस्थालाई राजनितिमुक्त बनाउने सम्म आफ्नो योजना रहेको समेत बताउनु भयो । यस्तै फरक प्रसंगमा तपाईको पार्टी राजसंस्थाको मुद्धा बोकेर चुनावमा गएको छ ? गणतन्त्र आईसकेपछि किन राजतन्त्रको मुद्धा बोक्ने पार्टीलाई जनताले मत दिने भन्ने पत्रकारको प्रश्नमा मल्ले अहिलेका नेता र राजमा केहि फरक नभएको बताउनु भयो । नेताका श्रीमती, छोरीबुहारी, भाईभतिज लगायत आफ्ना नजिककाले मात्र हरेक अवसर पाउने भएपछि जनताले के पाएका छन हरेक अवसर नेताका आसेपासेलाई मात्र हुने जनताले केहि नपाउने भएपछि राजा र दलका नेताहरुका केफरक भनेर प्रतिप्रश्न गर्नु भयो ।