थलारा गाउँपालिकाले आयोजना गरेको महिलापुरुष भलिबलमा थलारा र छबिसपाथिभेराको जीत

बझाङ : बझाङको थलारा गाउँपालिकाले दसैंतिहारको अवसर पारी आयोजना गरेको जिल्लाकै सर्वाधिक ठूलो धनराशिको महिला पुरुष भलिबल प्रतियोगिताको खेल आज सम्पन्न भएको छ ।

असोज १५ गतेबाट सुरु भएको महिलापुरुष भलिबल प्रतियोगीता आज सम्पन्न भएको हो । प्रतियोगीतामा पुरुष तर्फ आयोजक समेत रहेको थलारा गाउँपालिका टिमले प्रथम स्थान हासिल गरेको छ भने जयपृथ्वी नगरपालिकाले दोस्रो, छबिसपाथिभेरा गाउँपालिकाले तेस्रो र अमृत मेमोरियल छबिसपाथिभेरा ३ ले सान्तवना स्थान हात पारेका छन् । यस्तै महिला तर्फ छबिसपाथिभेरा गाउँपालिका प्रथम, मष्टा गाउँपालिका द्धितिय, जयपृथ्वी नगरपालिका तृतिय र सुर्मा गाउँपालिकाले सान्तवना स्थान हात पारेका छन् ।

 प्रतियोगीतामा पुरुष तर्फ १६ टिम र महिला तर्फ ८ महिला टिम गरि जम्मा २४ टिमले सहभागीता जनाएका थिए । प्रतियोगीतामा पुरुष तर्फ प्रथम हुनेलाई एक लाख ३२ हजार १० रुपैँया, द्धितिय हुने ७० हजार १० रुपैयाँ, तृतिय हुनेले ४५ हजार १० रुपैँया र सान्तवना हुनेले ७ हजार १० रुपैँयासहित मेडल, ट्रफि र प्रमाण पत्र हस्तान्तरण गरिएको छ भने महिला तर्फ प्रथम हुनेलाई ५१ हजार १० रुपैँया, द्धितिय हुनेलाई ३० हजार १० रुपैँया, तृतिय हुनेलाई १५ हजार १० रुपैँया र सान्तवना हुनेलाई ३ हजार १० रुपैयाँसहित मेडल, ट्रफि र प्रमाणपत्र हस्तान्तरण गरिएको स्थानीय गौतम विष्टले जानकारी दिनुभयो ।