बझाङ प्रहरीद्वारा समाजमा हुने विभिन्न विकृतिहरुलाई न्यूनीकरण गर्न विद्यालय सम्पर्क कार्यक्रम सञ्चालन

बझाङ : बझाङ प्रहरीले विद्यालय सम्पर्क कार्यक्रम सञ्चालनमा ल्याएको छ । समुदाय प्रहरी साझेदारी कार्यक्रमअन्तर्गत विद्यालय सम्पर्क कार्यक्रम सञ्चालनमा ल्याइएको हो ।

कार्यक्रमअन्तर्गत जिल्लाका विभिन्न विद्यालयहरुमै पुगेर सचेतना दिन थालिएको जिल्ला प्रहरी कार्यालय बझाङका प्रहरी निरिक्षक रमेश रमेश दत्त अवस्थीले जानकारी दिनुभएको छ ।

जिल्ला प्रहरी कार्यालय, महिला तथा बालबालिका तथा जेष्ठ नागरिक सेवा केन्द्र बझाङको आयोजनामा जिल्ला भित्रका विद्यालयहरुमा विद्यार्थीहरुलाई विभिन्न कुराका बारेमा जानकारी दिन थालिएको छ ।

विध्यालयमा विध्यार्थीहरु संग सामाजिक सञ्जालको गलत प्रयोग र कानुनी व्यवस्था, लागूऔषध दुव्र्यसनी रोकथाम, लैङ्गिक, घरेलु हिंसा, आत्महत्या, बालविवाह, सामाजिक अपराध रोकथाम, ठगीका घटना, बालयौन दुव्र्यवहार लगायतका विषयमा छलफल गर्ने गरिएको छ ।

कार्यक्रम अन्र्तगत बिहिबार जयपृथ्वी नगरपालिका–४ गोलाईमा रहेको बालविकास माध्यामिक विध्यालयमा उक्त कार्यक्रम गरिएको छ ।