केदारस्युँ गाउँपालिकाले केही वडा असुरक्षित भएको भन्दै गृह मन्त्रालयसँग दहशैनमा प्रहरी चौकी माग्यो

केदारस्युँ गाउँपालिकाले असुरक्षा भएको भन्दै गृह मन्त्रालयसँग प्रहरी चौकी मागेको छ ।  गाउँपालिकाले पालिकाका विभिन्न वडा भौगोलिक हिसाबले पनि निकै दुर्गम रहेको र सुरक्षाका दृष्टिकोणले पनि असुरक्षित रहेको भन्दै गृह मन्त्रालयसँग प्रहरी चौकी स्थापनाका लागि सहयोग मागेको हो ।

पालिकाको वडा नम्बर ६, ७ र ८ का लागि इकाका प्रहरी कार्यालय बुंगल र अस्थाइ प्रहरी चौकी बाग्थलाबाट प्रहरी खटिनु पर्दा सुरक्षाका दृष्टिकोणले असुरक्षित भएको भन्दै गृह मन्त्रालयलाई दहसैनमा प्रहरी चौकी स्थापना गरिदिन माग गरेको छ । यस कार्यका लागि अहिले गाउँपालिका अध्यक्ष गणेश बोहरासहितको टोली काठमाडौंमा दौडधुपमा रहेको छ । स्थानीयको आवश्यकता तथा मागलाई सम्बोधन गर्न आफू गृह मन्त्रालय धाइरहेको अध्यक्ष बोहराको भनाई छ ।