केदारस्युँ एक कर्मचारीले एउटै मितिमा दुई वटा भ्रमण भत्ता बुझेको भेटियो 

केदारस्युँ एक कर्मचारीले एउटै मितिमा दुई वटा भ्रमण भत्ता बुझेको भेटिएको छ । केदारस्युँका आइटी इन्जिनियर लेखराज रावलले शशर्त चालु भौचर ७५ मिति २०७८ जेठ १ गते रु ७ हजार १ सय २० र गाउँपालिका चालु भौचर ५९६ मा रु ८ हजार ५ सय ६० एउटै मिति २०७८ जेठ ६ गतेदेखि ११ गतेसम्म २ पटक दैनिक भ्रमण भत्ता बापतको रकम बुझेको महालेखाको प्रतिवेदनमा उल्लेख छ ।

 त्यसपछि कार्यालयले २०७८ कार्तिक १६ गते असुल उपर कारबाही थाल्दा आइटी रावलले रु ८ हजार ५ सय ६० फर्छ्यौट गरेको देखिएको छ ।