केदारस्युँ गाउँपालिकाले गुणस्तर र म्याद यकिन नभएका २९ लाखको औषधी खरिद गरेको पाइयो

केदारस्युँ गाउँपालिकाले गुणस्तर र म्याद यकिन नभएका २९ लाखको औषधी खरिद गरेको पाइएको छ । महालेखा परीक्षकको कार्यालयले सार्वजनिक गरेको प्रतिवेदनअनुसार पालिकाले उत्पादकले सूचना प्रकाशन मुल्य सार्वजनिक नगरेका २९ लाखको औषधी खरिद गरेको पाइएको हो ।

सार्वजिनक खरिद नियमावलीमा २० लाखसम्मको औषधिजन्य मालसामान उत्पादकले राष्ट्रिय स्तरको समाचार पत्रमा सूचना प्रकाशन गरी तोकेको बिक्री मूल्यमा सोझै खरिद गर्न सकिने व्यवस्था छ तर केदारस्युँ गाउँपालिकाले उक्त प्रक्रिया वेगर रु. २९ लाखको औषधी सोझै खरिद गरेको देखिएको छ । 

प्रतिवेदनमा आपूर्ति भएका औषधी एंवम सर्जिकल सामान स्टोर दाखिला हुनुअघि स्पेशीफिकेशन अनुसार भए/नभएको नखुलाएको कारण औषधीको गुणस्तर र म्याद सम्बन्धमा यकिन गर्न नसकिएको, औषधिको जिन्सी कितावमा आम्दानी बाँध्दा खरिद गरेको र जिन्सीबाट हस्तान्तरण भई आएको खुल्नेगरी व्यवस्थित रुपमा आम्दानी बाँध्ने नगरेको र औषधिको खर्च घटाउँदा माग फारामको आधारमा घटाउनु पर्नेमा एकमुष्ट घटाउने गरेको हुँदा औषधिको खरिद, आपूर्ति, दाखिला तथा खर्चको विवरण अद्यावधिक हनेगरी अभिलेख राख्ने, तोकिएको गुणस्तर अनुसारकै औषधि प्राप्त भएको नभएको यकिन गरी हस्तान्तरण तथा खरिद गरिएको औषधको विवरण खुल्नेगरी अभिलेख राख्ने तथा आर्थिक वर्षको अन्त्यमा बाँकी रहेको औषधीहरु जिम्मेवारी जिन्सी अभिलेख व्यवस्थित गर्नतर्फ ध्यान दिनुपर्ने टिप्पणी गरेको छ ।