बुढीगंगा अपडेट: दुई वडाध्यक्ष जित्दा प्रमुखमा एमाले ६०२ मतले अगाडि

बझाङ: मतदानपछि मतगणना भइरहेको बाजुराको बुढीगंगामा एमालेले वडा नम्बर १ र १० जितेको छ । यहाँ १० वडा छन् । ती मध्ये दुई जितेको एमालेले प्रमुखमा पनि अग्रता बनाइरहेको हो । 

एमाले उम्मेदवारले प्रमुखमा १५९२ मत पाउँदा कांग्रेस उम्मेदवारले प्रमुखमा ९९० मत पाएका छन् । यहाँ ६०२ को अग्रता देखिएको छ । त्यस्तै उपप्रमुखमा एमाले उम्मेदवारले १५५७ मत पाउँदा कांग्रेस उम्मेदवारले १०१० मत पाएकी छन् । यहाँ ५४७ को मतान्तर छ।

यहाँ मेयर पदका लागि नेपाली कांग्रेसबाट रङ्गबहादुर खाती र एमालेबाट रामबहादुर बानियाँ उम्मेदवार छन्।

यस्तै, उपमेयरमा कांग्रेसबाट रिता शाही शाह र एमालेबाट मायाकुमारी खड्का कुँवर उम्मेदवार छन्।

अहिलेसम्म २ हजार ७४० मत गणना सकिएको छ । वडा नम्बर १० र १ को नतिजापछि अहिले २ र ९ को मतगणना भइएको छ ।