वर्षाका कारण खप्तडछान्नाको एक विद्यालयहरु बन्द

बझाङको खप्तडछान्ना गाउँपालिकामा रहेको जडारिगाड खोलाको बहाव बढेर हिड्ने बाटोसमेत बगाएपछि आवतजावतमा समस्या भएको भन्दै खप्तडछान्ना गाउँपालिका २ खाती गाउँको एक विद्यालय १ हप्तादेखि बन्द गरिएको छ ।

खप्तडछान्ना गाउँपालिका २ खाती गाउँमा रहेको जगदम्बा आधारभुत विध्यालय गत असोज ३१ देखि कार्तिक ३ गतेसम्म परेको अलिरल वर्षासँगै आएको बाढीले बगाएको थियो । 

विद्यालय बगाउँदा रुखको छहारीमा पठनपाठन गर्ने गरेको भए पनि पछिल्ला दिनहरुमा पानी पर्ने र खोलाको बहाव बढेर विद्यार्थीलाई विद्यालय आउन समस्या हुने भएकाले बर्खे विदा अर्थात साउनसम्म विदा दिएको जगदम्बा आधारभूत विध्यालयमा कक्षा ८ मा अध्ययनरत छात्र शिवराज खत्रीले बताए । वर्षा कम नभएसम्मका लागि विद्यालय बन्द गरिएको हो ।

खप्तडछान्ना गाउँपालिका अध्यक्ष उतम रोकायाका अनुसार लगातरको वर्षाले सडकहरु भत्केका कारण बालबालिकाहरुलाई हिँड्डुलमा समस्या हुनसक्ने र विध्यालयको भवन समेत गत सालको बाढीले बगाएपछी विद्यालयमा बर्खे विदा दिइएको हो ।

हाल विध्यार्थीहरुको पठनपाठनका लागि अस्थायी टहरा निर्माण गरे पनि टिनको टहरा भएकाले पठनपाठन गर्दा वर्ष आएपछि टिनको आवाजले पठनपाठन अवरुद हुने भएकाले विध्यालय बन्द गरिएको बताए ।