सुदूरपश्चिम सरकारबाट बझाङका कुन पालिकालाई कति अनुदान ? (सूचीसहित)

बझाङ : सुदूरपश्चिम प्रदेश सरकारले स्थानीय तहलाई दिने अनुदान घटाएको छ । आकार बढाएर बजेट ल्याएको प्रदेश सरकारले अन्तर सरकारी हस्तान्तरणबाट स्थानीय तहलाई दिने अनुदान भने घटाएको हो।

सुदूरपश्चिम प्रदेश सरकारले बझाङका १२ वटा स्थानीय तहमा १७ करोड बढी अनुदान दिने भएको छ । प्रदेश सरकारले स्थानीय तहलाई समानिकरण, विशेष र समपुरक अनुदान मात्रै दिँदै आएको छ।

प्रदेश सरकारले स्थानीय तहलाई दिने समपुरक अनुदान बजेट सबैभन्दा बढी केदारस्युँ गाउँपालिकाले एक करोड ९० लाख ९ हजार पाउने भएको छ भने सबै भन्दा कम तल्कोट गाँउपालिकाले ९९ लाख ३४ हजार अनुदान पाउने भएको छ ।

मष्टा गाउँपालिकाले १ करोड ८० लाख ७७ हजार, बित्थडचिर गाउँपालिकाले १ करोड ८० लाख ४२ हजार, थलरा गाउँपालिकाले १ करोड ३७ लाख २२ हजार, साइपाल गाउँपालिकाले १ करोड ३० लाख ४ हजार, सुर्मा गाउँपालिकाले १ करोड २९ लाख ७६ हजार, खप्तडछान्ना गाउँपालिकाले १ करोड २८ लाख, छविसपाथिभेरा गाउँपालिले १ करोड २४ लाख ६३ हजार, दुर्गाथली गाउँपालिकाले १ करोड २० लाख ८८ हजार पाउने भएका छन् ।

यस्तै जयपृथ्वी नगरपालिकाले १ करोड ७५ लाख ९ हजार र बुंगल नगरपालिकाका लागी १ करोड ४५ लाख ७९ हजार बजेट विनियोजन गरेको छ ।