जयपृथ्वी राजमार्ग पुनर्निर्माणमा शकस: वर्षायाममा बझाङवासीलाई समिट एअरको आश, समिट एअरलाई मौसमको त्रास 

बझाङ : गत कार्त्तिकमा सेती नदीमा आएको बाढीले जयपृथ्वी राजमार्गको जालेबगरमा सड बगाएपछि बैकल्पिक मार्गबाट यातायात सूचारु भएको छ । छबिसपाथिभेरा गाँपालिका वडा नं १ को जालेबगरमा अहिले सडक पुनर्निर्माणको काम भइरहेको छ । वर्षायाम सुरु हुन लाग्दा सेती नदीमा पानीको बहाव बढेको र वैकल्पिक सडक पनि बगाउने सम्भावना भएपछि यातायात सेवा अवरुद्ध हुने देखिएको छ ।

पुनर्निर्माणको काम सरु भय पनि वर्षायाम अगावै निर्माण कार्य सम्पन्न नहुने भएको छ । राजमार्गको एका तिरको खण्डमा बलास्टिङ गरेर नयाँ ट्रयाक खोल्नु पर्ने भएकाले समय लाग्ने निर्माण कम्पनी ड्रागन, जगदम्बा, सुर्मा सरोवर जेभीका सञ्चालक शेरबहादुर बोहराले बताए ।

ट्रयाक खोल्नका लागि चट्टान विस्फोटनको कार्य थालिएको छ । झण्डै ४ सय मिटर बढी कडा चट्टान बिफोष्ट गरि नयाँ ट्रयाक खोल्नु पर्ने भएकाले बर्षायाम अगावै सडक सुचारु हुने अवस्था छैन ।  सेती नदीमा पानीको वहाव बढेसँगै पानीको सतह बैकल्पिक मार्गसम्म पुगेको छ । दुईचार दिन लगातार पानी परे बैकल्पिक मार्ग बगाएर यातायात अवरुद्ध हुने देखिएको स्थानीय नरेन्द्र उपाध्यायले बताए । राजमार्ग अवरुद्ध भयपछि दैनिक उपभोग्य वस्तुको मूल्य बृद्धि हुनुका साथै आवतजावतमा समस्या हुने भन्दै बझाङबासी चिन्तित भएका छन् । 

करिब ३ महिनादेखि अबरुद्ध हवाई सेवा अबदेखि नियमित हुने भएको छ । हप्तामा तीन दिन बझाङ धनगडी बझाङ सेवा दिदै आएको समिट एअरलाईन्सले मौसम अनुकूल भए हप्तामा ३ दिन मंगलबार, बिहिबार र शनिबार नियमित उडान हुने र त्यसपछिका दिनमा दिनहुँ पनि उडान गर्न सकिने समिट एअर, धनगढी-बझाङ- धनगढी हवाईसेवाका प्रबन्धक किशोर खड्काले जानकारी दिए । 

वर्षायाममा बझाङबासीलाई समिट एअरको आश छ भने समिट एअरलाई मौसमको त्रास छ । वर्षातको समयमा सडक यात्रा निकै जोखिमपूर्ण हुने हुँदा हवाईसेवा नियमित गरिनु बझाङबासीका लागि निकै सहज हुने  र राहत मिल्ने स्थानीयको धारणा छ ।