मष्टा गाउँपालिका कार्यालयसहित वडा नम्बर ४ का विभिन्न बस्तीमा राष्ट्रिय प्रसारण लाइनको विद्युत विस्तार 

बझाङ : मष्टा गाउँपालिका कार्यालयसहित वडा नम्बर ४ का विभिन्न बस्तीमा राष्ट्रिय प्रसारण लाईनको विद्युत विस्तार भएको छ । बिहीबार लामोसमय सोलारबाट कार्य सञ्चालन गर्दै आएको मष्टा गाउँपालिका कार्यालय र डा नम्बर ४ का भण्डारी गाउँ, बाबहुन गाउँ, बास्तोली गाउँ, भातेखोला र ठानामा राष्ट्रिय प्रसारण लाईनको विद्युत विस्तार भइ बिजुली बलेको हो । बिजुली बलेपछि त्यहाँका स्थानीय र पालिकाका कर्मचारी खुशी भएका छन् ।

नेपालमा लामो समय कोरोनाको असर, विद्युतीय उपकरणको नेपालमा अभाव हुनु आदि कारणले विद्युत लाइन विस्तारमा ढिलाई भएको र आफूले निकै प्रयास गरेर बिजुली बाल्न सफल भएको मष्टा गाउँपालिकाका गाउँपालिका अध्यक्षका पराजित उम्मेद्वार तथा एमाले मष्टाका नेता दिपक रोकायाले बताउनुभयो ।

उहाँका अनुसार वडा नम्बर ४ का बाँकी रहेकँ बस्ती र गाउँपालिकाभर पनि चाँडै विद्युत विस्तार गरिने भएको छ । अहिले विद्युत विस्तार भएका वडा नम्बर ४ का भण्डारी गाउँ, बाबहुन गाउँ, बास्तोली गाउँ, भातेखोला र ठाना बासी विद्युत जोड्न वडा कार्यालयको सिफारिससहित प्रत्येक घरधुरीबाट एक जना परिवार सदस्यको ३ प्रति फोटो, नागरिकताको प्रतिलिपि र लालपुर्जाको प्रतिलिपि ल्याएर नेपाल विद्युत प्राधिकरण वितरण केन्द्र बझाङको कार्यालय पानकोट रोड चैनपुरमा सम्पर्क गर्न पनि रोकायाले सबैमा आग्रह गर्नुभयो ।