बझाङको सुनिपिपलचौर मावि सुवेडा मतदान केन्द्रमा पुन: मतदान जारी 

बझाङ : झडप भइ मतदान स्थगित भएको जयपृथ्वी नगरपालिका वडा नम्बर ७ स्थित सुनिपिपलचौर मावि सुवेडा मतदान केन्द्रमा पुन: मतदान भइरहेको छ । दोस्रोपटक भइरहेको मतदानमा पनि मतदाताहरुको उत्साजनक उपस्थिति रहेको छ ।

यो समाचार तयार पार्दासम्म ८०० मत खसेको बझाङ प्रहरी प्रमुख तथा डिएसपी ज्ञानबहादुर विष्टले बताए । ३०० बढी सेना प्रहरी परिचालन गरि मतदान भइरहेको डिएसपी विष्टले बताए । मतदानस्थलमा नगर प्रमुख उपप्रमुख उम्मेदवारहरु र राजिनितिक दलका प्रतिनिधिहरु उपस्थित छन् ।  मतदान बिहान ७ बजेबाट सुरु भइ वेलुका ५ बजे सकिनेछ ।