बझाङमा सडक निर्माण कार्यले यातायात अवरुद्ध

बझाङ : बझाङमा बाग्थला-बुंगल सडक निर्माण कार्यले यातायात सेवा अवरुद्ध भएको छ । साघुँरो सडकलाई डबल लेन र कालोपत्रे गर्ने उद्येश्यले सडक निर्माण भइरहेको बेला केदारस्युँ गाउपालिका- ५ बगडी बजार नजिकै पहिरो निस्किएकाले सडक सडक अवरुद्ध भएको हो  । कालोपत्रेका लागि केएस कन्स्ट्रक्सन निर्माण प्रा.लिले काम गरिरहेको छ ।  

पहिरोले ५० मिटर बाटो बन्द भएको र सडक खोल्न केही दिन लाग्न सक्ने निर्माण कम्पनीले जनाएको छ । गयराति २/३ बजे तिर आएको पहिरोसँगै चट्टान पनि आएकाले बाटो खुलाउन समय लाग्ने देखिएको जिल्ला प्रहरी कार्यालय बझाङका प्रहरी निरीक्षक कमल प्रसाद चौधरीले बताउनुभयो ।