सुदूरपश्चिम

जयपृथ्वी एफएमले गर्‍यो छबिसपाथिभेरामा बालबिबाह न्युनिकरणका लागि जनचेतनामूलक कार्यक्रम

जयपृथ्वी खबर

बुधबार, चैत १६, २०७८

जयपृथ्वी एफएमले गर्‍यो छबिसपाथिभेरामा बालबिबाह न्युनिकरणका लागि जनचेतनामूलक कार्यक्रम

बझाङ : छबिसपाथिभेरा गाउँपालिकामा बालबिबाह न्युनिकरणका लागि जनचेतनामूलक कार्यक्रम सम्पन्न भएको छ ।

जयपृथ्वी एफएम ९६.३ मेगाहर्ज (सूचना सञ्चार तथा प्रविधि विकास समूह) को आयोजना र छबिसपाथिभेरा गाउँपालिकाको आर्थिक सहयोगमा गाउँपालिकाको वडा नम्बर ६ र ७ को केन्द्र बिसौना बजारमा मंगलबार, वडा नम्बर २ को सत्यवादी मावि, वडा नम्बर ३ को बान्नीचौर मावि र वडा नम्बर ५ को शान्ती मावि चौघानपाटामा बुधबार बालबिबाह न्युनिकरणका लागि जनचेतनामूलक कार्यक्रम सम्पन्न भएको हो ।

यस्तै बिहीबार वडा नम्बर १ को जनप्रिय मावि बगडगाउँ, वडा नम्बरको ४ को थलारा नमुना आधारभूत विद्यालयमा पनि जनचेतनामूलक कार्यक्रम गरिने कार्यक्रम संयोजक कर्ण धामीले बताउनुभयो । कार्यक्रममा विद्यालयस्तरका छात्रछात्रालाई बालबिबाह गर्दा भविस्यमा हुने नकारात्मक असर र कानुनी सजायका बारेमा सडक नाटक मार्फत् जनचेतना जगाइएको थियो ।

बिगतमा पनि जयपृथ्वी एफएमले वित्थडचिरमा सडक नाटक मार्फत् बालबिबाह न्युनिकरण गर्न जनचेतनामूलक कार्यक्रम गरेको थियो ।

प्रकाशित मिति: बुधबार, चैत १६, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम