इजाजतपत्र प्राप्त हातहतियार बुझाउन जिल्ला प्रशासन कार्यालय बझाङको आग्रह

बझाङ: निर्वाचन नजिकिए संगै जिल्ला प्रशासन कार्यालय बझाङले इजाजतपत्र प्राप्त हातहतियार बुझाउन आग्रह गरेको छ । प्रशासनले आईतबार एक सूचना जारी गर्दै चैत्र मसान्तभित्र आफूसँग रहेका इजाजतपत्र प्राप्त हातहतियार नजिकैको प्रहरी ईकाई मार्फत बुझाउन आग्रह गरेको छ ।

आगामी वैशाख ३० गते हुने स्थानीय तहको निर्वाचन स्वतन्त्र, निष्पक्ष, शान्तीपुर्ण र भय रहित वातावरणमा सम्पन्न गर्न र विश्वासनिय सुरक्षा व्यवस्था कायम गर्ने उदेश्य भएकाले जिल्ला भित्र ईजाजत प्राप्त हातहतियार साथ चैत्र मसान्तभित्र नजिकको प्रहरी इकाइमा हातहतियार बुझाउन जिल्ला प्रसासन कार्यालयले जारी गरेको सुचनामा भनिएको छ । केन्द्रीय सुरक्षा समितिको निर्देशन अनुसार सूचना जारी गर्दै हातहतियार बुझाउन आग्रह गरिएको प्रमुख जिल्ला अधिकारी बाबुराम अर्यालले बताउनु भयो । यसरी बुझाईएका हतियार स्थानीय तहको निर्वाचनपछि फिर्ता हुनेछन ।