शिक्षकहरु शिक्षक सेवाको तयारीमा गएपछि बझाङको नारायण मावि कैलाशमा पढाई ठप्प

बझाङ : शिक्षकहरू शिक्षक सेवा आयोगको तयारी गर्न गएपछि बझाङको जयपृथ्वी नगरपालिका १ कैलासमा रहेको नारायण माध्यामिक विद्यालय चैत २० गते सम्मका लागी बन्द गरिएको छ । बुधबारबाट विद्यालयका शिक्षकहरू परिक्षा दिनका लागि जिल्ला बाहिर गएपछि विध्यालय बन्द गर्नु परेको विध्यालयका प्रधानाध्यापक ऐनबहादुर सिंहले बताउनुभयो ।

सिंहले आफूलाई कुनै जानकारी नदिएको र शिक्षक सेवाको तयारी गर्न गएका भनेर अरूले सुनाएको बताउनुभएको छ । 

आफुहरूलाइ पढाउने शिक्षकहरू विध्यालयमा नआउँदा पढाइ प्रभावित भएको र २० गते सम्म विध्यालय नआउन भनिएको कक्षा ९ मा अध्ययनरत विध्यार्थी पारस सिंहले बताउनुभयो । 

विध्यालयमा पढाउने शिक्षक प्राय: जसो नआउने र अहिले शिक्षक नहुँदा आफूहरु विद्यालयबाट फर्केको विद्यार्थी सिंहले बताउनुभयो ।  

विद्यालयमा शिक्षकहरुको मनपरि हुँदा पनि विद्यालय  व्यवस्थापन समिति भने मौन बसेको स्थानीय डम्बरबहादुर सिंहले बताउनुभयाे । सिंहले अभिभावकहरूले पनि विद्यालयप्रति चाँसाे नदिदा यस्ताे समस्या आएकाे बताउनुभयाे  । आफूहरूकाे काेर्षसमेत पूरा नभएकाे कक्षा १० का छात्र सन्देश सिंहले बताउनुभयाे ।