बझाङमा कूल मतदाता संख्या १ लाख २३ हजार १ सय २०, हेर्नुहोस् कुन पालिकामा कति ?

चैनपुर : बझाङमा १ लाख २३ हजार १ सय २० मतदाता संख्या रहेको जिल्ला निर्वाचन कार्यालय जनाएको छ । जसमध्ये सबैभन्दा बढी बुंगल नगरपालिकामा १९ हजार ७ सय १९ जना मतदाता रहेका छन् भने  सबैभन्दा कम साइपालमा १ हजार ५ सय ६ मतदाता संख्या रहेको कार्यालयको तथ्यांक रहेको छ ।

गत २०७४ स्थानीय तह निर्वाचनमा बझाङमा ९७ हजार ६ सय ११ मतदाता संख्या रहेकोमा यस निर्वाचनसम्म आइपुग्दा बझाङमा १ लाख २३ हजार १ सय २० मतदाता संख्या पुगेको छ । जसमा महिला ६१ हजार ४४ जना मतदाता र पुरुष ६२ हजार ७६ जनता मतदाता रहेका छन् । यद्यपी यो अन्तिम तथ्यांक भने नभएको जिल्ला निर्वाचन कार्यालय जनाएको छ ।

यसै तथ्यांकबाट ७ सय ३७ मृत्यु भएकाहरुको नामावली र मृत्यु दर्ता प्रमाणपत्र निर्वाचन आयोगमा पठाइएको कार्यालयको भनाई छ ।

यसैगरि पालिका स्तरमा मतदाता संख्या हेर्ने हो भने जयपृथ्वीमा १४ हजार ४ सय १४ जना, छबिसमा १० हजार ३ सय ७१ जना, थलारामा ११ हजार ३ सय ९२ जना, मष्टा ९ हजार १ सय १८ जना, केदारस्युँमा १२ हजार १ सय ५८ जना, खप्तडछान्नामा ११ हजार २ सय ८७ जना, दुर्गाथलीमा ९ हजार ७१ जना, वित्थडचिरमा ११ हजार ३७ जना, सुर्मामा ५ हजार ३ सय ८१ जना र तल्कोटमा ७ हजार ६ सय ६६ जना मतदाता संख्या रहेका छन् ।