कैलालीमा भएका दुर्घटनामा एकैदिन ३ जनाको मृत्यु

बझाङः कैलालीमा भएका सवारी दुर्घटनामा एकैदिन तीन जनाको मृत्यु भएको छ। बिहीबार भएका तीन वटा सवारी दुर्घटनामा तीन जनाको मृत्यु भएको हो।
बिहीबार बिहान साढे ८ बजे जिल्लाको लम्कीचुहा नगरपालिका–७ मा मोटरसाइकल अनियन्त्रीत हुँदा एकजनाको मृत्यु भएको थियो। २७ वर्षीय स्थानीय रमेस चौधरीले चलाएको से३प ६१३५ नम्बरको मोटरसाइकल अनियन्त्रीत हुँदा सडकबाट खसेको थियो। सोही मोटरसाइकलमा च्यापिएर चौधरीको मृत्यु भएको जिल्ला प्रहरी कार्यालय कैलालीले जनाएको छ। 

बिहीबार नै धनगढी उपमहानगरपालिका–३ त्रिनगर भन्सारमा सु।प।प्र।०१–००१ख २८५६ नम्बरको ट्रक पार्किङ गर्ने क्रममा ६५ वर्षीया श्रीमाया गुरुङ गम्भीर घाइते भइन्। उनको माया मेट्रो अस्पताल धनगढीमा उपचारका क्रममा मृत्यु भएको छ।

बिहीबार राति १० बजे ट्याक्टरको ठक्करबाट थप एकजनाको मृत्यु भयो। कैलाली गोदावरी नगरपालिका वडा नम्बर ९ धनचौरीस्थित भित्री सडक खण्डमा उत्तरबाट दक्षिणतर्फ जाँदै गरेको रा।१ त। ४६५३ नम्बरको ट्याक्टरले कञ्चनपुर कृष्णपुरका करन भट्टराइलाई ठक्कर दिँदा उनको घटनास्थलमै मृत्यु भएको हो।