बैतडीको पाटनमा जिप दुर्घटना हुँदा चारको मृत्यु :छ घाईते

बैतडी: बैतडीको पाटन नगरपालिका–१ खलीमा जीप दुर्घटना हुँदा चार जनाको मृत्यु भएको छ । पाटनबाट कैलपालको सकार तर्फ गइरहेको से १ ज ८८८ नम्बरको जीप सोमबार साँझ साढे ५ बजेतिर दुर्घटना भएको हो । दुर्घटनामा परि ६ जना घाइते भएका छन् । घाईते मध्ये एक जनाको अवस्था गम्भीर रहेको छ । दुर्घटनामा परेर ज्यान गुमाउनेमा पाटन ७ कैलपाल माइत भएकी २० बर्षीया मनिषा विक र उनका श्रीमान २४ बर्षीय प्रेम चुनारा, पाटन नगरपालिका १ सकारका १३ बर्षीय विनोद भट्टराई र सोही ठाउँकी ७२ बर्षीया रमा भट्टराईको रहेको ईलाका प्रहरी कार्यालय पाटनका प्रमुख प्रहरी निरीक्षक राजेश शाहीले जानकारी दिए ।

घाईतेहरुको पाटन स्वास्थ्य चौकीमा उपचार भईरहेको छ । जिप चालक भने फरार रहेका छन् । जिप सडक बाट एक सय मिटर तल खसेको थियो । यस अघि गएको विहिबार बैतडीमा गोठलापानीबाट दोगडाकेदार ४ बसाली तर्फ गईरहेको से १ ज २२६ नम्बरको जिप दोगडाकेदार गाउँपालिका ३ तारल भन्ने स्थानमा दुर्घटना हुँदा ३ जना घाईते भएका थिए ।