सुदूरपश्चिम

तल्कोट गाउँपालिकाले सेती नदीमा फेरि काठेपुल निर्माण गर्ने

जयपृथ्वी खबर

बिहीबार, कात्तिक २५, २०७८

तल्कोट गाउँपालिकाले सेती नदीमा फेरि काठेपुल निर्माण गर्ने

बझाङ : तल्कोट गाउँपालिकाको आधा भूभागलाई जोड्ने सेतीनदीस्थित रातापानीमा निर्माण गरिएको काठेपुल बगेपछि पुनः निर्माण गरिने भएको छ । दशैं अगाडी ११ लाख लागतमा बनेको मोटरेबल काठेपुल कात्तिक २ गते बगेपछि पुनः निर्माण गरिन लागिएको हो । पुल निर्माणका लागि सल्ला काट्न बन समितिसँग कुरा गरिरहेको र मेसिन र इन्धन पुगेपछि पुल निर्माण गरिने तल्कोट गाउँपालिका अध्यक्ष लालबहादुर विष्टले बताउनुभयो ।

उहाँले निर्माण भएको एक हप्ता नपुग्दै सेती नदीले पुल बगेपछि ११ लाख वालुवामा पानी हालेझैं भएको बताउनुभयो । उहाँले पक्की पुल निर्माणमा ठेकेदारले लापरबाही गरेका कारण काठेपुल निर्माण गरेर गाडी गुडाउनु आफूहरुको बाध्यता रहेको बताउनुभयो । अहिले सेती नदीमा पुल नहुँदा तल्कोटको आधा भूभाग र साइपालबासी सडक सुविधाबाट बञ्चित भएका छन् ।

प्रकाशित मिति: बिहीबार, कात्तिक २५, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम