नेभिगेशन
सुदूरपश्चिम

यातायात र विद्युत सेवा अवरुद्ध हुँदा सुदूर पहाडमा उपचार पाउनै मुस्किल

बझाङ : यातायात र विद्युत सेवा अवरुद्ध हुँदा सुदूरपश्चिमका पहाडी जिल्लामा उपचार सेवा प्रभावित हुन थालेको छ। बाजुरा, बझाङ, डोटी र दार्चुला जिल्ला जोड्ने मुख्य राजमार्गसहित ग्रामीण सडक पूर्ण रुपमा सुचारु नहुँदा बिरामीको उपचारमा समस्या हुन थालेको हो। 

सडक मार्ग अवरुद्ध भएका जिल्लामा बिरामीलाई अस्पताल ल्याउन तथा उपचार गर्न नसक्ने बिरामीलाई रेफर गर्दा समस्या हुन थालेको हो। बैतडीमा मुख्य राजमार्ग सुचारु भए पनि ग्रामीण सडक सुचारु नहुन्दा उपचार तथा खोप वितरणमा समस्या भइरहेको स्वास्थ्य कार्यालय बैतडीका प्रमुख योगेश भट्टले  बताएका छन् । ’बैतडीमा मुख्य राजमार्ग सुचारु भए पनि ग्रामीण सडक अवरुद्ध नै छन्,’ उनले भने, ‘पुर्चौडी, शिवनाथ र पञ्चेश्वरमा नियमित खोप लैजान पनि समस्या भएको छ।

अछाम जिल्लामा भने एम्बुलेन्सको अभावले बिरामी रेफर गर्न समस्या भएको छ। सुर्खेत हुँदै बिरामी रेफर गर्नु परे पनि जिल्ला अस्पतालसम्म बिरामीलाई आउन समस्या भएको अछाम जिल्ला अस्पतालका मेडिकल सुपरिटेण्डेन्ट डाक्टर सोनाली बास्कोटाले बताइन्। ’यता एम्बुलेन्स नभएर समस्या भएको छ,’ उनले भनिन्, ‘बिरामी रेफर गर्नु परे सुर्खेतको बाटो प्रयोग भइरहेको छ।

डोटीमा मुख्य राजमार्ग अवरुद्ध हुँदा जिल्लामा बिरामीको उपचारमा समस्या भएको छ। जिल्ला अस्पतालमा उपचार सम्भव नभएमा अछामको बयलपाटा रेफर गर्ने गरेको डोटी जिल्ला अस्पतालका मेडिकल सुपरिटेण्डेन्ट डाक्टर कृष्ण जोशीले बताए। ’हामीले रेफर गर्नुपर्ने बिरामी बयलपाटा अस्पताल पठाइरहेका छौँ,’ उनले भने, ’सडक अवरुद्ध हुँदा ग्रामीण भेगबाट त बिरामी आउन निकै समस्या भएको छ।

बझाङ जिल्ला अस्पतालमा भने सडकसँगै विद्युत सेवा अवरुद्ध हुँदा उपचार सेवा प्रभावित भएको छ। जयपृथ्वी राजमार्ग ठाउँठाउँमा अवरुद्ध हुँदा डिजेलको आपूर्ति पनि गर्न नसकिएको र केही दिनपछि अस्पतालको समग्र उपचार सेवा प्रभावित हुने चिन्ता मेडिकल सुपरिटेण्डेन्ट डाक्टर सन्दीप ओखेडाको छ। ’हाम्रो अस्ततालमा बिजुली नहुँदा बिरामीको उपचारमा समस्या भइरहेको छ,’ उनले भने, ’जेनेरेटर चलाइ रहेका छौँ। तर डिजेल नपाए केही दिनपछि उपचार गर्न निकै मुस्किल हुने डर छ।’

बाजुरा जिल्लामा पनि अत्यावश्य औषधिको अभाव भएको जनाइएको छ। पहाडी जिल्ला जोड्ने राजमार्ग तथा ग्रामीण सडक एकदुई दिनभित्र सञ्चालन गर्न नसके सात पहाडी जिल्लामा औषाधिसँगै खाद्यान्न लगायतका दैनिक उपभोग्य वस्तुको चरम अभाव हुने चिन्ता गरिएको छ।

प्रकाशित मिति:
प्रतिक्रिया दिनुहोस्

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम
केदारस्युँले लिएको कक्षा ८ को परिक्षामा कमजोर नतिजा सार्वजनिक, दुई विद्यालयका कुनै पनि विद्यार्थी ग्रेडेड हुन सकेनन्

केदारस्युँले लिएको कक्षा ८ को परिक्षामा कमजोर नतिजा सार्वजनिक, दुई विद्यालयका कुनै पनि विद्यार्थी ग्रेडेड हुन सकेनन्

केदारस्युँ गाउँपालिकाले पहिलोपटक सञ्चालन गरेको कक्षा ८ को पालिकास्तरीय परीक्षामा निकै कमजोर नतिजा आएको छ। पालिकाभरका १६ वटा विद्यालयका ५ सय ८७ जना विद्यार्थी सहभागीमध्ये जम्मा ४६ जना...
९ वर्षदेखि फरार कर्तव्य ज्यान मुद्दाका प्रतिवादी पक्राउ

९ वर्षदेखि फरार कर्तव्य ज्यान मुद्दाका प्रतिवादी पक्राउ

कर्तव्य ज्यान मुद्दामा ९ वर्ष ७ महिना १८ दिन कैद सजाय पाएका फरार प्रतिवादी अफि बोहरा पक्राउ परेका छन्। 
बालबालिकाको क्षणिक निर्णयले भविस्य अन्धकारमा

बालबालिकाको क्षणिक निर्णयले भविस्य अन्धकारमा

किशोरकिशोरीहरू मोबाइल फोनको अत्यधिक प्रयोग, सामाजिक सञ्जालको प्रभाव र लहडमा आएर विवाह गर्नतर्फ आकर्षित भइरहेका छन्।
आगामी दिनमा बालबालिकाको हकहितलाई प्राथमिकतामा राखेर अघि बढ्छु : वडाध्यक्ष जोशी

आगामी दिनमा बालबालिकाको हकहितलाई प्राथमिकतामा राखेर अघि बढ्छु : वडाध्यक्ष जोशी

जयपृथ्वी नगरपालिका वडा नम्बर ७ का वडाध्यक्ष शिवराज जोशीले अब बालबालिकाको हकहितलाई प्राथमिकतामा राखेर अघि बढ्ने प्रतिवद्धता व्यक्त गर्नुभएको छ।
भर्खरै