बझाङ लगायत सुदुरपश्चिम प्रदेशका पहाडी जिल्लामा भारी वर्षा : भीमदत्त राजमार्गमा पहिरो जाँदा सडक अवरुद्ध

बझाङ:-  बझाङ लगायत सुदुरपश्चिम प्रदेशका पहाडी जिल्लामा भारी वर्षा  भईरहेको छ । गएराती देखि भईरहेको बर्षााका कारण सुदुरपश्चिम प्रदेशको मुख्य तथा स सना नदीमा बाढी अाउन सक्ने मौसम पुर्वानुमान माहाशाखाले जनाएको छ ।माहाशाखाका अनुसार रंगुन नदी तथा अरु स–साना नदीमा बाढी आउन सक्ने भएकाले सचेत रहन आग्रह गरेको छ । सुदूरपश्चिम, कर्णाली, लुम्बिनी र गण्डकी प्रदेशका केही ठाउँमा अहिले पनि पानी परिरहेको छ । पश्चिमी उच्च पहाडी तथा हिमाली केही ठाउँमा हिमपातको सम्भावना छ ।  पर्सि बुधबारसम्म नै पानी पर्ने र केही ठाउँमा ठूलो पानी पर्ने सम्भावना रहेको महाशाखाले जनाएको छ । केही नदी तथा खोलामा आकस्मिक बहावको जोखिम रहेकोले बुधबारसम्म नदी तटीय क्षेत्रमा सतर्कता अपनाउन मौसमविद्को सुझाव छ ।

लगातारका बर्षाका कारण पहिरोका जाँदा भीमदत्त राजमार्ग बन्द भएको छ । गएराती कैलालीको भासु भीरमा पहिरो खसेपछि पहाडी जिल्ला जोड्ने भीमदत्त राजमार्ग बन्द भएको सुदूरपश्चिम प्रदेश प्रहरी कार्यालयले जनाएको छ । पानी पर्न नरोकिएकाले पहिरो पन्छाउने काम भैरहेको भएपनि समस्या भैरहेको सुदूरपश्चिम प्रदेश ट्राफिक प्रहरी कार्यालयले जनाएको छ । सवारी साधन नचल्दा यात्रु तथा सवारी विच बाटोमै अलपत्र परेका छन् ।