सुदूरपश्चिम

बझाङबाट छनोट भए प्रदेशस्तरीय भलिबलका लागि खेलाडी

जयपृथ्वी खबर

सोमबार, असोज १८, २०७८

बझाङबाट छनोट भए प्रदेशस्तरीय भलिबलका लागि खेलाडी

बझाङ : सुदूरपश्चिम खेलकुद परिषद्को आयोजनामा कैलालीको धनगढीमा यही असोज २० गतेदेखि २३ गतेसम्म सञ्चालन हुने प्रदेशस्तरीय भलिबल प्रतियोगिताका लागि बझाङ जिल्लाबाट पनि पुरुष भलिबल खेलाडी छनोट गरिएको छ ।

जिल्लाभरिका १२ वटै स्थानीय तहबाट आएका खेलाडीहरू बीच सदरमुकाम चैनपुरमा भलिबल प्रतियोगिता गराइ खेलाडी छनोट गरिएको जिल्ला खेलकुद समितिका अध्यक्ष पुष्पलाल रोकायाले जानकारी दिनुभएको छ । उहाँका अनुसार जिल्लाका १२ वटै स्थानीय तहबाट आएका खेलाडीको प्रतिस्पर्धा गराइ उत्कृष्ट भएका नौ जना खेलाडीलाई छनोट गरी उनीहरूकै टिम बनाइएको छ ।

जिल्ला खेलकुद समितिका अनुसार छनोट भएका खेलाडीमा दिनेश शाही, सन्दीप शाही, सुरेश मल्ल, शिरिस सिंह धामी, विकास सिंह, अनिल सिंह, रवीन्द्र सिंह, दिनेश धामी, प्रशान्त कठायत छनोट भएका छन् । उक्त पुरुष भलिबल प्रतियोगिता कैलालीको धनगढीमा यही असोज २० गतेदेखि २३ सम्म सञ्चालन हुने भएको छ । टिम कोच र व्यवस्थापक सहित छनोट भएका खेलाडीहरू आज कैलालीको धनगढीमा प्रस्थान भएका छन् ।

प्रकाशित मिति: सोमबार, असोज १८, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम