संविधान दिवसको अवसरमा जिल्ला प्रहरी कार्यालय बझाङले गर्‍यो सरसफाई कार्यक्रम

बझाङ : जिल्ला प्रहरी कार्यालय बझाङले समुदाय प्रहरी साँझेदारी कार्यक्रम अन्तर्गत संविधान दिवसको अवसरमा आफ्नो कार्यालय सहित सदरमुकाम चैनपुरमा रहेको सुर्मादेवी मन्दिर परिसर सरसफाई गरेको छ ।

सामाजिक उत्तरदायित्व अन्तर्गत गरिएको यस अभियानले सरसफाई र स्वच्छ वातावरणको महत्व र अपरिहार्यताबारे जनचेतना ल्याउने विश्वास आफुहरुले लिएको जिल्ला प्रहरी कार्यालयका प्रमुख डिएसपी रुपक खड्काले बताउनुभयो ।

उक्त सरसफाई कार्यक्रममा प्रमुख जिल्ला अधिकारी मोहन अधिकारी, डिएसपी रुपक खड्का लगाएत नेपाल प्रहरी र सशत्र प्रहरीको उपस्थिति रहेको थियो । संविधान दिवस २०७८ को अवसरमा सुरक्षाकर्मीहरुले साँझ ६ बजे आफ्नो कार्यालयमा दिपावली समेत गरेका छन् ।