सुदूरपश्चिम

बझाङमा एक वृद्धाको शव फेला, हत्या आरोपमा नाति पक्राउ

जयपृथ्वी खबर

बिहीबार, भदौ ३१, २०७८

बझाङमा एक वृद्धाको शव फेला, हत्या आरोपमा नाति पक्राउ

बझाङ : बझाङमा एक वृद्धाको शव फेला परेको छ । जिल्लाको दुर्गाथली गाउँपालिका–५ की ८० वर्षीया रिठीदेवी जप्रेलको शव बिहीबार बिहान फेला परेको हो । उनको शव खाल्डोमा गाडिएको अवस्थामा फेला परेको जिल्ला प्रहरी कार्यालय बझाङले जनाएको छ ।

भदौ २७ गतेदेखि बेपत्ता रहेकी उनको खोजी गर्ने क्रममा घर पछाडी खाल्डोमा गाडिएको अवस्थामा शव फेला परेको जिल्ला प्रहरी कार्यालय बझाङका प्रहरी नायव उपरीक्षक रुपक खड्काले बताउनुभयो । उनका अनुसार हत्याको आशंकामा उनका २१ वर्षीय नाति सुुवाश जप्रेल पक्राउ परेका छन् । उनले सुनका गहना माग्दा नदिएपछि लुटेर आफ्नै सहोदर बज्यैको हत्या गरेको आशंका गरिएको छ ।

फरार अवस्थामा रहेका उनी खोजी गर्ने क्रममा बिहीबार नै पक्राउ परेको प्रहरी स्रोतले बताएको छ । पक्राउ परेका शुवासलाई जिल्ला प्रहरी कार्यालयमा ल्याइरहेको र बाँकी विवरण अनुसन्धानपछि मात्रै खुल्ने प्रहरी नायव उपरिक्षक खड्काले बताउनुभयो ।

प्रकाशित मिति: बिहीबार, भदौ ३१, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम