गृह मन्त्रालयको मूल्याङ्कन : बझाङ कार्यसम्पादनमा सुदूरपश्चिमका ६ जिल्लाभन्दा उत्कृष्ट 

बझाङ : गृह मन्त्रालयले हालै सार्वजनिक गरेको आर्थिक वर्ष २०७७-७८ को कार्यसम्पादन मूल्याङ्कनमा सुदुरपश्चिमका ९ जिल्लामा ६ जिल्ला भन्दा जिल्ला प्रशासन कार्यालय बझाङ ‘वि पलस’ मा परेको छ ।  विभिन्न ६ वटा विषयगत क्षेत्र समेटेर गरिएको मूल्याङ्कनमा बझाङ देशभरका २८ जिल्लालाई उछिन्दै बझाङ जिल्लाले वि प्लस ग्रेड ल्याएको छ । 

गृह मन्त्रालयको नीति, योजना, अनुगमन तथा मूल्याङ्कन महाशाखाले शान्तिसुरक्षा, अपराध नियन्त्रण, सुशासन र सेवा प्रवाह, लागुऔषध नियन्त्रण, विपद् जोखिम न्यूनीकरण तथा व्यवस्थापन, विकास निर्माण अनुगमन र समन्वय-सदाचारसँगै आर्थिक अनुशासन क्षेत्र समेटर कार्यसम्पादन मूल्याङ्कन गरेको थियो ।  

यसरी मापन गरिएका आधारमा सुदुरपश्चिमका बाजुरा, कन्चनपुर,डडेलधुरा, डोटी, कैलाली र बैतडी भन्दा बझाङ मध्यम अङ्क हासिल गरी ‘वि प्लस’ ग्रेडमा पर्न सफल भएको छ । जिल्ला प्रशासन कार्यालयले आफुले भए गरेका गतिविधीहरु बर्षको अन्तिम तिर माथिल्लो निकायमा रिपोटिङ गर्दा ग्रेड तल पर्न गएको र आगामी दिनमा पहिलो नम्मबरमा पार्नको लागी आफु लगाएत प्रसासनको सिंगो टिम लागि परेको प्रमुख जिल्ला अधिकारी मोहन अधिकारीले बताउनुभयो ।