बझाङ आउदै गरेको बसमा माथीबाट ढुङ्गा खस्दा एक जनाको मृत्यु

बझाङ गुडिरहेकाे बसमा ढुङ्गा खस्दा एक जनाको मृत्यु भएको छ। महेन्द्रनगरबाट बझाङ चैनपुर तर्फ आईरहेको  सु.प.प्र ०२ ००१ ख ११५६ नम्बरको बसमा बैतडीको पाटन नगरपालिका ८ झौलेकमा माथिबाट ढुङगा खस्दा बझाङको थलराका १८ वर्षीय अर्जुन नेपालीको घटनास्थलमै मृत्यु भएको हो। माथिबाट खसेको ढुङगा बसभित्रै पसेको थियो। बसमा अन्य ३ जना घाइते भएका छन्। 

प्रदेश ट्राफिक प्रहरी कार्यालय अत्तरियाका अनुसार कैलालीको धनगढी उपमहानगरपालिका वडा नम्बर ४ ओम शान्ती टोलका माधव भट्ट, जयपृथ्वी नगरपालिका वडा नम्बर ११ का हरिप्रसाद जोशी र सोही ठाउँका नवराज खड्का घाइते भएका हुन्।  उनीहरुको डडेल्धुरा अस्पतालमा उपचार भइरहेको छ।