अपहरणमा परेकी लुम्बिनी प्रदेशकी सांसद वलीलाई मुख्यमन्त्रीको मन्त्री बन्न प्रस्ताव

काठमाण्डु – लुम्बिनी प्रदेशकी सांसद विमला वलीले  बिहीबार पत्रकार सम्मेलन गर्दै  मुख्यमन्त्री शंकर पोखरेलले आफूलाई उनकै निवासमा बन्धक बनाएको बताएकी छन । माओवादी केन्द्रले एक हप्तासम्म पार्टीको सम्पर्कमा नआएको भन्दै वलीलाई एमालेले अपहरण गरेको बताएको थियो ।

उनले आफू माओवादी केन्द्रमा रहेको बताएकी छन् । सांसद वलीले मुख्यमन्त्रीले आफूलाई मन्त्री बन्न प्रलोभन देखाएको बताइन् । उनले भनिन् मुख्यमन्त्रीले ‘एमालेमा आउनुपर्यो । पहिले गल्ती भयो । अब त्यस्तो हुँदैन । पार्टीमा आउनुस्, मन्त्री बन्नूस् भनेर प्रलोभन देखाए । सांसद वलीले आफूलाई साउन १६, १७ र १८ गतेसम्म मुख्यमन्त्री निवासबाट बाहिर निस्किनै नदिएको र निरन्तर दबाब दिएको बताएकी छन् ।