सुदूरपश्चिम

बझाङका ५ स्थानिय तह अझै भाडाकै भवनमा

जयपृथ्वी खबर

बिहीबार, साउन १४, २०७८

बझाङ: बझाङका अधिकांस स्थानिय तहले अझै पनि आफ्नो प्रसासनिक भवन बनाउन सकेका छैनन । स्थानीय तहको निर्वाचन भएको चार बष भई जनप्रतिनिधिको कार्यकाल सकिन लाग्दा पनि अझै भवन बनाउन सकेका छैनन । जिल्लाका १२ वटा स्थानीय तहमध्ये जयपृथ्वी नगरपालिका, तलकोट र छविसपाथिभेरा गाउँपालिकाले मात्र आफ्नै भवनबाट सेवा दिइरहेका छन् । खप्तडछान्ना, थलारा र वित्थडचिर गाउँपालिकाको भवन निर्माणाधिन अवस्थामा छन् ।

सुर्मा, साइपाल, मष्टा, दुर्गाथली, केदारस्युँ गाउँपालिका र बुंगल नगरपालिकाले भवन बनाउने तयारी समेत गरेका छैनन् । दुर्गाथली, मष्टा र केदारस्युँ गाउँपालिकाले साविकका गाविस भवनबाट सेवा दिँदै आएका छन् । वित्थडचिर गाउँपालिका देउलेख प्राथमिक स्वास्थ्य केन्द्रको पुरानो भवनबाट सेवा प्रवाह गर्दैछ भने थलारा, सुर्मा, साईपाल, खप्तडछान्ना गाउँपालिका र बुंगल नगरपालिकाले भाडाका भवनबाट सेवा दिइरहेका छन् ।

भाडाका भवनमा सेवा दिँदै आएका स्थानीय तहले बार्षिक २ लाख २० हजारदेखि ९ लाखसम्म घर भाडा तिर्दै आएका छन् । साईपाल गाउँपालिकाले बार्षिक २ लाख ४० हजार, थलारा गाउँपालिकाले बार्षिक ४ लाख २० हजार, सुर्मा गाउँपालिकाले बार्षिक २ लाख २२ हजार, खप्तडछान्ना गाउँपालिकाले बार्षिक ३ लाख ६० हजार र बुंगल नगरपालिकाले बार्षिक ८ लाख ४० हजार रुपैयाँ घरभाडा तिर्दै आएका छन् ।

प्रकाशित मिति: बिहीबार, साउन १४, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम