सुदूरपश्चिम

बुंगल नगरपालिकामा ट्याक्टर दुर्घटना हुँदा एकजनाको मृत्यु

मकरराज धामी

बुधबार, साउन ६, २०७८

सांकेतिक तस्वीर

बझाङः बुंगल नगरपालिकामा ट्याक्टर दुर्घटना हुँदा एकजनाको मृत्यु भएको छ । नगरपालिका–२ गिरौँमा ट्याक्टर दुर्घटना हुँदा सोहि गाउँका ४५ वर्षीय मान बहादुर धामीको मृत्यु भएको जिल्ला प्रहरी कार्यालय बझाङका प्रहरी निरीक्षक एवम् सुचना अधिकारी कमल चौधरीले बताए ।

मंगलबार राति ८ः०० बजेतिर कालंगा हाइड्रोपावरको सुरुङ निर्माणको लागि बालुवा लोड गर्नेक्रममा से २ प २५६६ नम्बरको रोकेर राखेको ट्याक्टर अचानक गुडेपछी कालंगा हाइड्रोपावरमा मजदुरी गर्दै आएका धामी च्यापिएर घाईते भएका थिए । घाईते धामीलाई उपचारको लागि देउलेख प्रथामिक स्वास्थ्य केन्द्रमा लगिएको थियो ।

मंगलबार राति उपचारकै क्रममा देउलेख प्राथमकि स्वास्थ्य केन्द्रमा धामीको मृत्यु भएको हो । घटना मंगलबार भएको भएपनि बुंगलमा मोबाईल नेटवर्कको समस्या हुदाँ जानकारी ढिला आएको र कन्चनपुरको झलारी घर भएका बर्ष २६ का ट्याक्टर चालक धर्मराज चौधरीलाई प्रहरीले नियन्त्रणमा लिइ आवश्यक अनुसन्धान गरिरहेको समेत सुचना अधिकारी चौधरीले बताए ।

प्रकाशित मिति: बुधबार, साउन ६, २०७८

प्रतिक्रिया दिनुहोस्