बझाङमा कोरोना परिक्षणको दायरा बढाइदै 

बझाङ : बझाङमा कोरोना परिक्षणको दायरा बढाइने भएको छ । दिन प्रतिदिन कोरोना संक्रमीतको संख्या बढ्दै गएपछि कारोनाको परिक्षण बढाउने तयारी भइरहेको स्वास्थ्य कार्यालयका कार्यालय प्रमुख भानुभक्त जोशीले बताउनुभयो । जिल्लामा कोरोना फैलिएर भयावह स्थिति देखिएपछि  ५  हजार किट उपलब्ध गराइदिन  जिल्ला स्वास्थ्य कार्यालय बझाङले स्वास्थ्य मन्त्रालयमा माग गरेको थियो । 

मन्त्रालयमा माग गरेका ५ हजार किट ४-५ दिनमा जिल्लामा पुग्ने बताउनुभयो ।  केही दिनमा किट जिल्लामा पुग्ने हुँदा परिक्षणको दायरा बढाउन जिल्लाका १२ ओटै पालिकाका स्वास्थ्य संयोजकहरुलाई  स्वास्थ्य कार्यालयका कार्यालय प्रमुख जोशीले अनुरोध गर्नुभयो । साथै जोशीले हरेक पालिकाहरुमा बिरामीको संख्या बढिरहेको हुँदा लुकाएर नबसी स्वास्थ्य संस्थामा गएर परीक्षण गराउन जनसमुदायलाई आग्रह गर्नुभयो । परिक्षणको दाएरा बढाएपछि महामारी रोगलाई नियन्त्रण गर्न सकिने धारणा व्यक्त गर्नुभयो ।