बझाङमा थप एक कोरोना संक्रमित पुरुषको मृत्यु, मृतक संख्या ११ जना पुग्यो
बझाङ : बझाङमा थप एक जना कोरोना संक्रमित पुरुषको मृत्यु भएको छ । मृत्यु हुनेमा जयपृथ्वी नगरपालिका-१० का ४४ वर्षीय पुरुष रहेका छन् ।
विगत एक हप्तादेखि विरामी उनी चैनपुरमै भएर पनि मेडिकलबाटै उपचार गराइरहेको र अन्तिम अवस्थामा मात्रै शुक्रबार बिहान ६ बजे अस्पताल जाँदा ज्यान गुमाउनु परेको जिल्ला अस्पताल बझाङका कोरोना सम्पर्क व्यक्ति डाक्टर मिलन खड्काले बताउनुभयो ।
उहाँका अनुसार ती व्यक्तिमा कुनै रोग नरहेको र कोरोनाकै कारण मृत्यु भएको हो । योसँगै बझाङमा दोस्रो लहर सुरु भए यता मात्रै कोरोना संक्रमणबाट ज्यान गुमाउनेको संख्या ११ जना पुगेको छ ।
यसअघि बुधबार राति १२:१५ बजे जनपा-८ एक ७२ वर्षीय पुरुषको उपचारको क्रममा ज्यान गएको जिल्ला अस्पतालले जनाएको छ ।
अहिले कोरोना र भाइरल ज्वरो छुट्याउन नसकिने हुँदा लक्षण देखापर्नासाथ अस्पतालले सबैमा अनुरोध गरेको छ ।
हाल बझाङका विभिन्न गाउँमा विरामीहरु भए पनि उनीहरु सामाजिक बहिस्कार हुने डर र सामान्य रुघाखोकी ठानेर अस्पतालसम्म नआउने गरेको डाक्टर खड्काले बताउनुभयो ।
यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सिंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।
निर्माणाधिन घरको धुरी भाँचिदा २ वटा गाेरू मरे, एक महिला घाइते
जयपृथ्वी नगरपालिका वडा नम्बर १ कैलाशमा निर्माणाधिन गोठको धुरी भाचिदा गोठमा रहेका २ वटा गोरु मरेका छन् । बिहीबार, मंसिर ६, २०८१
बझाङका विभिन्न ठाउँमा तीनवटा जीप दुर्घटना, सवार यात्रु सकुशल, २३० कुखुरा मरे
बझाङको दुर्गाथली गाउँपालिका-१ बुङगामा आज मिति २०८१ मङ्सिर ६ गते बिहान ८ बजे जिप दुर्घटना हुँदा दुई जना घाइते भएका छन्। बिहीबार, मंसिर ६, २०८१
साहारा नेपालद्धारा मष्टा -७ दयमा लसुन पकेट क्षेत्र स्थापना, वडा वडामा किसान लक्षित कार्यक्रम सञ्चालन
साहारा नेपाल बझाङको आयोजनामा बझाङ जिल्ला मष्टा गाउँपालिका वडा नं. -७ दयमा लसुन पकेट क्षेत्र स्थापना गरिएको छ । मंगलबार, मंसिर ४, २०८१