बझाङमा बिहीबार ४३ जनामा कोरोना पुष्टि, संक्रमित संख्या ७ सय ३७ पुग्यो

बझाङ : बझाङमा बिहीबार ४३ जनामा कोरोना संक्रमण पुष्टि भएको छ । बिहीबार स्वास्थ्य कार्यालयले सार्वजनिक गरेको तथ्यांक अनुसार ९७ नमुना पिसिआर परिक्षण गर्दा ३९ जनामा र ९ जनाको एन्टिजेन परिक्षण गर्दा ३ जनामा कोरोना संक्रमण देखिएको हो । योसँगै जिल्लामा कोरोना संक्रमितको संख्या ७ सय ३७ पुगेको छ । 

बिहीबार जिल्ला अस्पतालमा ८ जनाको एन्टिजेन परिक्षण गर्दा ३ जना र विथ्थडचिर गाउँपालिकामा संकलित एक जनाको एन्टिजेन्ट परिक्षण गर्दा १ जनाका पोजेटिभ देखिएको हो । यस्तै जिल्ला अस्पताल बझाङमा संकलित गरिएको ९७ नमुना पिसिआर मध्ये ५३ नमुना परिक्षण गरिएकोमा २२ जना र बुङ्गल नगरपालिकामा संकलित ३९ नमुना परिक्षण गर्दा १७ जनामा कोरोना पोजेटिभ देखिएको हो । जिल्लामा अहिलेसम्म कोरोनाका कारण ९ जनाको ज्यान गएको छ ।

दोस्रो लहरको सुरु भएयता जिल्लामा १ हजार ४ सय ४० नमुना परिक्षण गरिएका छन् भने १६९ नमुना स्वावको रिर्पोट आउन बाँकी रहेको स्वास्थ्य कार्यालय बझाङले जनाएको छ ।