साइपालमा कार्यरत प्रहरीमा कसरि देखियो कोरोना ?

बझाङ : साइपाल गाउँपालिकामा कार्यरत एक जना सुरक्षाकर्मीमा कोरोना संक्रमण देखिएको छ । साइपाल गाउँपालिकाको धुली प्रहरी चाैकीमा कार्यरत एक ४० वर्षीय सुरक्षाकर्मी रहेका छन् ।

साइपालमा कार्यरत प्रहरी कर्मचारीमा कसरी संक्रमण देखियो भन्नेमा आफूहरु नै अचम्मित भएको प्रहरी नायव उपरिक्षक रुपक खड्काले बताउनुभयो । उहाँका अनुसार यार्सा टिप्न जानेहरुबाट प्रहरीमा संक्रमण सरेको हुनसक्ने अनुमान छ । यता जिल्ला अस्पतालले पनि कोरोना परिक्षण नै नगरि भारतबाट आएर सिधै यार्सा संकलन गर्नेहरुबाटै कोरोना सरेको दाबी गरेको छ । 

जिल्ला प्रहरी कार्यालय बझाङका अनुसार नेपाल प्रहरीका ९ जनामा कोरोना संक्रमण देखिएकोमा हाल ३ जनाले कोरोना जितेका छन् भने ६ जना अझैं उपचाररत छन् ।