सुदूरपश्चिम

सुदूरपश्चिममा थप ७ जना कोरोना संक्रमितको मृत्यु

जयपृथ्वी खबर

शुक्रबार, वैशाख २४, २०७८

काठमाडाैं : पछिल्लो २४ घण्टामा सुदूरपश्चिममा थप ७ जना कोरोना संक्रमितको मृत्यु भएको छ।

सेती अस्पतालमा उपचाररत कैलालीका २ , कञ्चनपुरका एक, बझाङका एक जनासहित थप ७ जनाको मृत्यु भएको अस्पतालका सूचना अधिकारी दिलिपकुमार श्रेष्ठले जानकारी दिए।

उनका अनुसार कैलालीको धनगढी उपमहानगरपालिका–१ की ६० वर्षीया महिला, घोडाघोडी नगरपलिका–१ की ५७ वर्षीया महिला, गोदावरी नगरपालिका–२ का ३८ वर्षीय पुरुषको मृत्यु भएको हो।

त्यस्तै कैलालीको लम्कीचुहा नगरपालिकाको वडा नम्बर ६ का ३४ वर्षीय वडा सदस्य जमान सिंह देउवाको शिक्षण अस्पताल नेपालगन्जमा मृत्यु भएको छ।

यस्तै कञ्चनपुरको पुर्नवास नगरपालिका वडा नम्बर ३ की ७४ वर्षीया महिला, र पर्वत स्थायी घर भएकी पुनर्वास नगरपालिकाकै वडा नम्बर ७ माइती आएकी ७६ वर्षीया महिलाको पनि शुक्रबार मृत्यु भएको उनले बताए।

उता बझाङ जिल्ला अस्पतालमा खप्तडछान्ना ५ का एक ३७ वर्षिय शिक्षकको मृत्यु भएको छ ।

प्रकाशित मिति: शुक्रबार, वैशाख २४, २०७८

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम