बुबाआमाको सम्झनामा मन्दिर र प्रतिक्षालय निर्माण गरि अस्पताललाई हस्तान्तरण

बझाङका पहिलो लाइसेन्सधारी अहेब (असिस्टेन्ट हेल्थ एक्सटेन्सन वर्कर) तथा जयपृथ्वी नगरपालिका–२, मोर्तोलीका समाजसेवी गणेशबहादुर खड्काले आफ्ना स्वर्गीय पिता जब्बरे खड्का र माता हशादेवी खड्काको सम्झनामा जिल्ला अस्पताल बझाङ परिसरमा गणेश मन्दिर तथा प्रतिक्षालय निर्माण गरिदिएका छन्।  

करिब ४ लाख रुपैयाँ लागतमा निर्माण गरिएको यो प्रतिक्षालयले अस्पताल आउने बिरामी तथा कुरुवाहरुलाई बस्न सहजता प्रदान गर्नेछ। अस्पताल विकास समिति अध्यक्ष सोनु सिंहका अनुसार यस सुविधाले अस्पतालमा सेवा लिन आउनेहरूसँगै स्वास्थ्यकर्मीहरूलाई समेत सहयोग गर्नेछ।  

आज एक विशेष धार्मिक समारोहबीच गणेश मन्दिर र प्रतिक्षालयको प्राण प्रतिष्ठा सम्पन्न भएको छ। यस कार्यले अस्पताल परिसरलाई थप व्यवस्थित बनाउने विश्वास गरिएको छ।  खड्काले जिल्ला अस्पतालमा रिटायर्ड भएर पनि एक वर्ष स्वयंम सेवा गर्नुभएको थियो भने जिल्ला अस्पताल बझाङको जग्गा अधिग्रहणका क्रममा उहाँले सदस्य सचिव भइ महत्वपूर्ण जिम्मेवारी सम्हाल्नुभएको थियो ।