बझाङमा आफैले चलाएको अटो दुर्घटना हुँदा चालकको मृत्यु

बझाङमा अटो दुर्घटनामा परि घाइते भएका चालकको मृत्यु भएको छ । मृत्यु हुनेमा बित्थडचिर गाउँपालिका ४ का २४ वर्षिय गोबिन्द बि.क. रहेका छन् ।

बि.क.  बित्थडचिर - ९ सुनकुडास्थित जयपृथ्वी राजमार्गमा देउलेखबाट सुनकुडा तर्फ आउँदै गरेको अवस्थामा ठाडीधार भन्ने स्थानमा गयराति करिब ८:४५ बजे अटो एक्ससहित सडकबाट १०० मिटर तल खसेका थिए ।  

बि.क.ले चलाएको सु.प.प्र. ०१००१ ह ६३२१ नम्बरको अटो एक्स सडकबाट १०० मिटर तल खस्दा उनको टाउको , मुख र अन्य पुरै शरिरमा चोट लागेको थियो । 

प्रहरी बेश देउलेखबाट प्र.स.नि. नरेन्द्र बहादुर रावलको कमाण्डमा ४ जनाको टोलीले उनलाई तत्काल प्राथमिक स्वस्थ्य केन्द्र देउलेख बझाङमा लगि सामान्य उपचार पश्चात थप उपचारको लागी जिल्ला अस्पताल डडेल्धुरा रेफर गरिएको र  राति २ बजे बाटोमै मृत्यु भएको जिल्ला प्रहरी कार्यालय बझाङका सूचना अधिकारी तथा सूचना अधिकारी लोकेन्द्र सिंह ठगुन्नाले बताए ।

उनका अनुसार बि.क.ले अत्यधिक मदिरा सेवन गरिएको मेडिकल रिपोर्टमा देखिएको छ । अहिले मृतक बिकको शव पोष्टमार्टमका लागि प्राथमिक स्वस्थ्य केन्द्र देउलेख बझाङको शव गृहमा राखिएको छ ।