सुचारु भएको एक दिन नबित्दै जयपृथ्वी राजमार्ग पुन: अवरुद्ध

जयपृथ्वी राजमार्ग पुन: अवरुद्ध भएको छ । केही समय अगाडी सुख्खा पहिरो खसेकै ठाउँमा आज साँझ ६ बजे ढुङ्गासहितको पहिरो खस्दा जयपृथ्वी राजमार्ग अवरुद्ध भएको हो । आज राति भएकाले भोली बिहानैदेखि सडक सुचारु गर्न पहल थालिने जिल्ला प्रहरी कार्यालय बझाङले जनाएको छ ।

चारदिनसम्म ठप्प भएको जयपृथ्वी राजमार्ग बुधबार मात्रै सुचारु भएको थियो । सुचारु भएको एक दिनमै पुन: सडक अवरुद्ध हुँदा दशैंको मुखमा बझाङ भित्रिने सवारी साधन र यात्रुहरुबीच बाटोमै अलपत्र परेका छन् ।