पुर्ण रुपमा सुचारु भयो जयपृथ्वी राजमार्ग

अवरुद्ध भएको चार दिनपछि बुधबार दिउँसोदेखि जयपृथ्वी राजमार्ग पुर्ण रुपमा सञ्चालनमा आएको छ । छबिसपाथिभेरा -१ बालुटारमा खसेको सुख्खा पहिरो बुधबार चार दिनपछि पन्छाएर राजमार्ग सुचारु गरिएको हो । यसअघि दैनिक सडक खुलाउन जेसिबी खटिए पनि ठुलो पहिरो भएको र निरन्तर ढुंगा खसिरहेकाले खुलाउन सकिएको थिएन ।

बुधबार जेसिबीले पहिरोसँगै खसेको ढुंगामाटो सडकको छेउछाउमा व्यवस्थापन गरेर सडक पुर्ण रुपमा सुचारु गरेको जिल्ला प्रहरी कार्यालय बझाङले जनाएको छ । राजमार्ग सुचारु भएसँगै बालुवाटारमा रोकिदै आएका यात्रुबाहक बस, माल बाहक ट्रक लगायतका साना ठुला सवारी साधन गन्तव्य तर्फ लागेका छन् भने यात्रुलाई पनि सहज भएको छ । यसअघि केहीबेर पहिरो पन्छाउँदै साना सवारी साधन वारपार गराउँदै आइएको प्रहरीले जनाएको छ ।