२० वर्ष मुनिको एशियन कप छनोट : आज नेपाल र बहराइनबीच खेल हुँदै

एएफसी २० वर्ष मुनिको  एशियन कप छनोटमा नेपालले आज बहराइनसँग खेल्दैछ । खेल नेपाली समयअनुसार दिउँसो पौने १ बजे शुरु हुनेछ ।

यसअघि नेपालले तीन खेलमा एक जीत र दुईमा हार बेहोरेको छ । अस्ति बुधवार भएको तेस्रो खेलमा नेपालले उज्वेकिस्तानसँग ६–० को हार बेहोरेको थियो । यो हारले समूह ‘बी’ को नेपालको एशियन कप पुग्ने सम्भावना न्यून बनेको छ ।

नेपालले तीन खेलबाट तीन अङ्क जोडेको छ । पहिलो खेलमा कम्बोडियासँग ४–१ ले पराजित नेपालले दोस्रो खेलमा घरेलु टोली चाइनिज ताइपेईलाई ३–१ ले हराएको थियो ।