बझाङमा जबरजस्तीकरणीका मुद्दा लिएर प्रहरीकहाँ पुग्नेहरु बढे

बझाङमा जबरजस्तीकरणी र जबरजस्तीकरणी उद्योगका मुद्दा लिएर प्रहरीकहाँ पुग्नेहरु वर्षेनी बढ्न थालेका छन् । जिल्ला प्रहरी कार्यालय बझाङको तथ्याङ अनुसार बझाङमा वर्षेनी कम्तिमा १० देखि १५ मुद्दा जबरजस्तीकरणी र जबरजस्तीकरणीका मुद्दा पुग्ने गरेका छन् ।

आर्थिक वर्ष २०७८/०७९ मा १५ वटा जबरजस्तीकरणीका मुद्दा दर्ता भएका छन् भने १२ वटा जबरजस्तीकरणी उद्योगका मुद्दा दर्ता भएका छन् । यस्तै सोही अनुपातमा आर्थिक वर्ष २०७९/०८० मा १० वटा जबरजस्तीकरणीका र २ वटा जबरजस्तीकरणी उद्योगका, आर्थिक वर्ष २०८० /०८१  मा ११ वटा जबरजस्तीकरणी र ४ जबरजस्तीकरणी उद्योगका र २०८१/८१ को साउनदेखि आजका मितिसम्म अर्थात तीन महिनाको अवधिमा मात्रै २ दुईवटा जबरजस्तीकरणीका मुद्दा दर्ता भइ अदालतसम्म पुगेका छन् ।

बझाङमा वर्षेनी यसरी मुद्दा बढ्दै जानुलाई प्रहरीले सञ्चार सम्पर्क बढेको तर चेतनास्तर अझै सुधार हुन नसकेको भनेर बुझेको छ । जिल्ला प्रहरी कार्यालयका सूचना अधिकारी तथा प्रहरी निरिक्षक किशोर जोशीले यो तथ्याङ्क अदालतसम्म पुगेका मुद्दाको भएको र महिला हिंसासम्बन्धी यस्तै मुद्दाहरु लिएर हजारौं ठाडो निवेदन आउने गरेको बताउनुभयो । प्रहरीकहाँ पुगेपछि कतिपय आफै मिलेर जाने गरेका र कतिपयलाई आफूहरुले मुद्दाको प्रकृति हेरेर फर्काउने गरेको समेत उहाँले बताउनसुभयो ।