एएफसी यू-२० एसियन कप छनोट: नेपाल उज्वेकिस्तानसँग ६-० पराजित

एएफसी यू-२० एसियन कप छनोट खेलमा नेपाल उज्वेकिस्तानसँग पराजित भएको छ । चाइनिज ताइपेइको न्यु ताइपेइस्थित फु जेन क्याथोलिक युनिभर्सिटीको मैदानमा बुधवार सम्पन्न खेलमा नेपाल उज्वेकिस्तानसँग ६-०ले पराजित भएको हो । दोस्रो हारले नेपालको छनोटको सम्भावना अत्यन्त न्यून बनेको छ ।

उज्वेकिस्तानको यो लगातार दोस्रो जित हो । उज्वेकिस्तानले दुई खेलबाट ६ अंक जोडेको छ । नेपालले तीन खेलबाट मात्र ३ अंक बनाएको छ । नेपाल पहिलो खेलमा क्याम्बोडियासँग ४-१ ले हार्दा दोस्रो खेलमा चाइनिज ताइपेइलाई ३-१ ले हराएको थियो। अब नेपालले समूह चरणको अन्तिम खेल शुक्रवार बहराइनसँग खेल्नेछ ।

एएफसी यू-२० एसियन कपमा कुल ४५  राष्ट्रलाई दश समूहमा विभाजन गरिएको छ। प्रत्येक समूहको विजेता र ५ उत्कृष्ट उपविजेता यू-२० एसियन कपमा छनोट हुनेछन।