सडक माथिबाट पहिरो खस्दा जयपृथ्वी राजमार्ग पुन: अवरुद्ध

सडक माथिबाट पहिरो खस्दा जयपृथ्वी राजमार्ग पुन: अवरुद्ध बनेको छ । गयराति जयपृथ्वी नगरपालिका वडा नम्बर -७ तमैल बजार र जालेबगर नजिक सडकमाथिबाट पहिरो खस्दा राजमार्ग बिहानैदेखि अवरुद्ध बनेको हो ।

सडक खुलाउन छबिसपाथिभेरा गाउँपालिका -१ बगडगाउँबाट स्काइभेटर हिडिसकेको र चाँडै खुलाउन पहल भइरहेको प्रमुख जिल्ला अधिकारी विश्वामित्र कुँइकेलले बताउनुभयो । जयपृथ्वी राजमार्ग यसअघि गेग्रान बहाब तथा ढुङ्गा खसेका कारण जालेबगर र माल्नालाग्ने भीरमा अवरुद्ध भएको थियो ।

 बझाङमा भारी वर्षा भइरहेकाले अन्य ठाउँमा पनि पहिरो, ग्रेगान बहाब हुनसक्ने भन्दै जिल्ला प्रशासन कार्यालयले यात्रा गर्दा सुरक्षित हुन आग्रह गरेको छ ।